Dollar qalxacaqmi? Mütəxəssislərin proqnozları və tövsiyələri
Analitiklər qeyd edir ki, bu il ABŞ-da yüksək inflyasiya ilə mübarizə məqsədilə mərkəzi bank FED-in monetar siyasətini son 40 ildə ən sürətli sərtləşdirməsi dövrü (faizləri artırıb), Ukraynada müharibə və enerji böhranı, habelə Avropadan ABŞ-a kapital axını fonunda dollar kəskin möhkəmlənib. Son iki ayda dolların müvəqqəti ucuzlaşması yalnız FED-in faiz artırmaq tempini yumşaltması ilə əlaqədardır.
2023-cü ildə ABŞ dollarına - qlobal tənəzzül (qlobal iqtisadi böhran), eləcə də geosiyasi ziddiyyətlər, deqloballaşma, rekord səviyyələrə çatan yığılmış borclar, yüksək inflyasiyalar fonunda Qərb mərkəzi banklarının faiz dərəcələrini sürətlə yüksəltmələri, enerji və ərzaq böhranları dəstək olacaq. Ehtimal ki, gələn il qlobal iqtisadi tənəzzülə baş verəcək.
dollar qalxacaqmi
Dollara əlavə dəstək 2023-cü ilin birinci yarısında FED-in 5,25 %-ə qədər uçot dərəcəsini artırmasından gələcək. Əgər ABŞ-da inflyasiya yüksək qalmaqda davam edərsə və iqtisadiyyatda "kök salsa", FED faiz dərəcələrini daha da yüksəldəcək. Bəzi bazar ekspertləri dolların əsas məzənnəsinin illik 7-10%-ə qədər artmasının mümkünlüyünü qeyd edirlər.
Yeni ildə Yaxın Şərqdə və ya ABŞ-Çin xəttində geosiyasi kəskinləşmələr istisna edilmir. Qlobal qeyri-müəyyənliyin artması halında investorlar ənənəvi olaraq ən çox qorunan və likvid aktivə - ABŞ dollarına daxil olacaqlar. (Marja)
Valyutaya olan tələbin əhəmiyyətli hissəsi Dövlət Neft Fondu tərəfindən ödənilir. Bu baxımdan Neft Fondunun hərraca çıxartdığı vəsaitlərin həcmi dollara olan tələbin ödənilməsində çox önəmlidir.